మాతృభాషలో పట్టు ఉంటేనే పరభాషా నైపుణ్యం
- ఎమ్మెల్యే అన్నాబత్తుని శివకుమార్
టాలెంట్ ఎక్స్ ప్రెస్ : మాతృభాషలో పట్టు ఉన్న వారికే పరభాషల్లో నైపు ణ్యం దక్కుతుందని, తెలుగు భాషపై అనర్గళ మైన పట్టు ఉండబట్టే మాజీ ప్రధాని పీ.వీ నరసింహారావు బహుబాషా కోవిదులుగా సార్థకత చేసుకున్నారని ఎమ్మెల్యే శివ కుమార్ అన్నారు. గిడుగు రామ్మూర్తి జయంతి సందర్భంగా ఆదివారం బొల్లిముంత శివరామకృష్ణ ఫౌండేషన్, అభ్యుదయ కళా సమితి ఆధ్వర్యంలో తెలుగు బాషా దినోత్సవాన్ని ఘనంగా నిర్వహించారు. కవిసమ్మేళనం, తెలుగు గీతాలతో తెలుగు తల్లికి నీరాజనం చేశారు. ఈ సందర్భంగా జరిగిన సభకు వైష్ణవి కళాశాల ప్రిన్సిపాల్ పాటిబండ్ల శ్రీనివాసరావు అధ్యక్షత వహించారు. గిడుగు రామ్మూర్తి చిత్రపటానికి పూలమాల వేసి నివాళి అర్పించిన ఆయన తెలుగు భాష గొప్పతనాన్ని, మాతృ భాష మాధుర్యాన్ని వివరించారు. జీవన పరిస్థితుల నేపధ్యంలో ఇతర భాషలు నేర్చుకోవాల్సి వచ్చినా మాతృభాషను విస్మరించ రాదన్నారు. దివంగత ముఖ్యమంత్రి ఎన్టీఆర్ గెలుపునకు తెలు గు భాషపై ఆయనకున్న పట్టే కారణమన్న సీజేఐ ఎన్వీ రమణ మాటలను ఈ సందర్భంగా గుర్తు చేశారు. మారుతున్న ప్రపం చంలో ఆంగ్లభాష అవసరం ఉన్నా మాతృభాషను వదలిపెట్టాల్సిన అవసరం లేదన్నారు. గ్రాంధిక భాషను వాడుక భాషగా మార్చి అందరికి పుస్తక పఠనం అలవాటు చేసిన గొప్ప భాషాభిమాని గిడుగు రామ్మూర్తి అన్నారు. కేంద్ర సాహిత్య అకాడమి పురస్కార గ్రహీత డాక్టర్ వెన్నా వల్లభరావు మాట్లాడుతూ ప్రభుత్వాలు భాషను బతికించలేవని, ప్రజలే భాషకు జీవం పోయాలన్నారు. సాహితీ విశ్లేషకులు అంబటి మురళీ కృష్ణ డాక్టర్ గుమ్మా సాంబశివరావు, బెజవాడ ఆంధ్ర ఆర్ట్స్ అకాడమి అధ్య క్షుడు గోళ్ల నారాయణరావు, వివేక విద్యా సంస్థల డైరెక్టర్ రావి పాటి వీరనారాయణ, డాక్టర్ కనపర్తి అబ్రహం లింకన్, బొల్లి ముంత కృష్ణ తదితరులు మాట్లాడారు. కార్యక్రమంలో కరోనా కాలంలోనూ తెలుగు భాషకు వెలుగులద్దిన కవులు, గాయకు లు అయినాల మల్లేశ్వరరావు, ఆరాధ్యుల ఆదినారాయణ, హకీం జానీ, ఆళ్ల నాగేశ్వరరావును ఘనంగా సత్కరించారు. పలు వురు కవులు తమ కవితలతో తెలుగు తల్లికి కవితా నైవేద్యం చేయగా, బెల్లం కొండ వెంకట్, రత్నకుమారి తెలుగు గీతాలా పనతో నీరాజనం చేశారు. శ్రీదేవి వ్యాఖ్యాతగా వ్యవహరించారు. మాష్టర్ వెంకట్ ఆధ్వర్యంలో రూపొందించిన తెలుగు గీతావళి సీడీని ఆవిష్కరించారు. సీహెచ్. సుబ్బారావు, కనపర్తి బెహర్, గోగినేని కేశవరావు, ఆస్మతున్నీసా తదితరులుపర్యవేక్షించారు.
.