ఉత్తమ సినిమాలు ఆలోచనా పరిధిని పెంచుతాయి

ఉత్తమ సినిమాలు ఆలోచనా పరిధిని పెంచుతాయి 

• ప్రభుత్వ పాఠశాలల విద్యార్థులకు నెలకోసారి       ఉచిత సినిమా ప్రదర్శన 

 . సందేశాత్మక చిత్రాలను ప్రోత్సహించాలి 

. కళల కాణాచి తెనాలిలో కల్చరల్ ఫిల్మ్ సొసైటీ కళా     సేవలు అభినందనీయం

 - అంతర్జాతీయ బాలల చలన చిత్రోత్సవ ప్రారంభ సభలో శాసన సభ్యులు అన్నాబత్తుని శివకుమార్ 

తెనాలి: ఉత్తమ సినిమాలు సృజనాత్మకతతో ఆలోచనా పరిధిని పెంచుతాయని, వినోదంతో పాటు విజ్ఞానంతో రూపొందుతున్న చిత్రాలనే ప్రేక్షకులు ఆదరిస్తున్నారని శాసన సభ్యులు అన్నాబత్తుని శివకుమార్ అన్నారు. తెనాలి కల్చరల్ ఫిల్మ్ సొసైటీ, చిల్డ్రన్ ఫిల్మ్ సొసైటీ, తెనాలి పురపాలక సంఘం ఆధ్వర్యంలో బాలల దినోత్సవాన్ని పురస్కరించుకుని స్థానికి కొత్తపేటలోని తెనాలి రామకృష్ణ కవి కళాక్షేత్రమ్ లో అంతర్జాతీయ బాలల చలన చిత్రోత్సవం ఆదివారం ఉదయం జరిగింది. కార్యక్రమంలో పాల్గొన్న శివకుమార్ చిత్రోత్సవాలను ప్రారంభించారు. ఈ సందర్భంగా నిర్వహించిన సభకు సొసైటీ చైర్మన్ డాక్టర్ రావిపాటి వీరనారాయణ అధ్యక్షత వహించారు. శివకుమార్ మాట్లాడుతూ ఎందరో జాతీయ, అంతర్జాతీయ కళాకారుల పుట్టినిల్లు తెనాలని, కళల కాణాచిగా దేశవ్యాప్తంగా పేరొందిన తెనాలిలో అంతర్జాతీయ బాలల చిత్రోత్సవాన్ని ఏర్పాటు చేసిన నిర్వహకులు అభినందనీయులన్నారు. గత 35 సంవత్సరాలుగా ఫిల్మ్ సొసైటీ నిర్వహణలో ప్రతిపటా చిత్రోత్సవాలను జరపడం పార్శనీయం అన్నారు. ఇప్పటి వరకూ తెనాలలో మూడు సార్లు అంతర్జాతీయ చిత్రోత్సవాలను నిర్వహించి చలన చిత్ర రంగంలో తెనాలికి ప్రత్యేక గుర్తింపు వచ్చేలా శ్రమించిందన్నారు. బాలల మనో వికాసానికి బాలల దినోత్సవం సందర్భంగా చిత్రోత్సవం నిర్వహించి తెనాలి కళాఖ్యాతిని ఇముడింపజేశారన్నారు. ఉత్తమ విలువలతో కూడిన చిత్రాలను ప్రేక్షికులు ప్రోత్సహించాలన్నారు. వివిధ ప్రాంతాల, దేశాల సంస్కృతి, సాంప్రదాయాలు, ఆధునిక విజ్ఞానం అంతర్జాతీయ చిత్రాలను తిలకించడం ద్వారా తెలుసుకోవచ్చునన్నారు. తెనాలి, పలువర, గ్రామీణ ప్రాంతాల బాలబాలికలకు చిత్రోత్సవం మంచి పదవకాశం అన్నారు. సమాజాన్ని ప్రభావితం చేసే బలమైన సాధనం సినిమా అని చెప్పారు. పురపాలక సంఘం సహకారంతో వచ్చే నెల నుంచి తొలిగా ప్రభుత్వ పాఠశాలల విద్యార్థులకు కళాక్షేత్రం వేదికగా నెలకు ఒక సారి ఉచితంగా ఉత్తమ చిత్రాలను తిలకించే అవకాశం కల్పిస్తామని హామీనిచ్చారు. తెనాలి ప్రాంత కళా వారసత్వాన్ని యువత అందిపుచ్చుకుని గర్వకారణంగా నిలవాలన్నారు. విద్యారంగాన్ని ప్రోత్సహించడంలో ముందు ఉన్నారు. మున్సిపల్ చైర్ పర్సన్ కాలేదా నసీమ్ మాట్లాడుతూ తొలి ప్రధాని నెహ్రూ జయంతిని బాలల దినోత్సవంగా నిర్వహించుకుంటామని నేడు తెనాలిలో ఘనంగా నిర్వహించడం అభినందనీయం అన్నారు. నేటి పౌరుల పైనే దేశ భవిష్యత్తు ఆధారపడి ఉందన్నారు. బాల్యంలోనే ఉన్నత లక్ష్యాలు పెట్టుకుని కృషి చేసి సాధించుకోవాలన్నారు. రాకిట్టూ బాలల చిత్రం దర్శకులు నాగ మురళి మాట్లాడుతూ తెనాలి కళాకారులు తన చిత్రంలో ప్రధాన పాత్రలు పోషించారన్నారు. అద్భుతమైన కళాకారుల జన్మస్థలి తెనాలి అని అన్నారు. చిత్రోత్సవంలో రాకిట్టూ చిత్రం ప్రదర్శించడం సంతోషకరమన్నారు. రాష్ట్ర గౌడ కార్పోరేషన్ చైర్మన్ మధూర్ శివరామ కృష్ణ మాట్లాడుతూ తెనాలి రంగానికి విశేష గుర్తింపు తెచ్చిందన్నారు. అంతర్జాతీయ చిత్ర ప్రదర్శనలు నిర్వహించడం అభినందననీయదున్నారు. సొసైటీ కార్యదర్శి బొల్లిముంత కృష్ణ మాట్లాడుతూ గత రెండు సంవత్సరాల నుంచి కోవిడ్ కారణంగా ఉత్సవాలు నిర్వహించలేదని ఇకపై తప్పకుండా ఉత్సవాలను నిర్వహిస్తామన్నారు. అధ్యక్షత వహించిన వీర నారాయణ మాట్లాడుతూ కార్పోరేట్ విద్యాసంస్థల్లోని విద్యార్థులకు అనేక సౌకర్యాలు ఉంటాయని వారికి ధీటుగా సొసైటీ ద్వారా విజ్ఞానం, వినోదం పంచేందుకు చిత్రోత్సవాలను ఏర్పాటు చేసారున్నారు. తెనాలి పట్టణంలోనే కాకుండా డివిజన్, జిల్లా స్థాయిలో కూడా బాలల చిత్రాల ప్రదర్శనలను నిర్వహిస్తామన్నారు. అతిధులను ఎమ్మెల్యే, చైర్మన్ చేతుల మీదగా సత్కరించారు, జ్ఞాపికలను అందజేశారు. తొలుత ఎమ్మెల్యే శివకుమార్, కాలేదా నసీమ  విద్యార్థులతో కలసి జ్యోతి ప్రజ్వలన చేసారు, నెహ్రు  చిత్ర పటానికి పూలమాలలు వేసి నివాళులర్పించారు. చిత్రోత్సవ ప్రత్యేక టీజర్, యానిమేషన్ టీజర్ లను ఎమ్మెల్యే ఆవిష్కరించారు. లోగో రూపొందించిన దర్శకుడు 

కనపర్తి రత్నాకర్ ను అభినందించారు. మునిసిపల్ పాఠశాలల విద్యార్థినులు  ఉపాధ్యాయుడు బెల్లంకొండ వెంకట్ పర్యవేక్షణలో ప్రదర్శించిన జానపద నృత్యాలు అలరించాయి. ప్రత్యేక అతిథిగా విచ్చేసిన బాలీవుడ్ చైల్డ్ స్టార్, పదేళ్ల వయసులోనే ముపై చిత్రాల్లో, టివి, వెబ్ సిరీస్ లో నటించిన చైల్డ్ ఆర్టిస్ట్ ఎ. భాను ప్రకాష్ పలు చిత్రాల్లోని హిట్ డైలాగ్ చెప్పి మెప్పించాడు. అద్భుతమైన సృత్యాలు చేసి ఔరా అనిపించాడు. చిత్రోత్సవాల్లో ప్రత్యేక ఆకర్షణగా నిలిచాడు. సొసైటీ ఉపాధ్యక్షులు రామరాజు, మురళి, సొసైటీ సభ్యులు కార్యక్రమాన్ని పర్యవేక్షించారు. తొలి రోజు ఏ సాంగ్ సారో, 

 హిజ్ న్యూ జాబ్, దడి, దారి, రాకిట్టూ చిత్రాలను , వీటితో పాటు దేశభక్తి ప్రధానంగా సాగిన వీరస్థలి తెనాలి మినీ మూవీ ని ప్రదర్శించారు.