నిదురను దోచింది
కనురెప్పల పాట
మనసును తాకింది !
నడిరేయి జాములో
కొలిక్కి రాని వాక్యాలు
పురిటి నొప్పుల్లో
సంధి కొడుతున్న భావాలు !
పీడ కలగన్న ఏ పిట్టో
పల్లవి లేని పాట ఆలపించింది
ఆద మరచీ నిదురోని
గుండె సడి లయ తప్పింది !
తెలవని మత్తు ఏదో
మగతై రెప్పలపై వాలింది
కదిలీ కదలని కలం
అసంపూర్ణ కవితను మిగిల్చింది !
ఇక ఏ వేకువ వెన్నలో
చీకటి రాత్రులను చిదిమి
తూరపు ఆకాశాన ఇనబింబమై
పరిపూర్ణ కవితను చిత్రించాలి !
సురేంద్ర రొడ్డ 9491523570