కొత్త లుక్ లో ఫిదా చేస్తున్న డార్లింగ్


టాలెంట్ ఎక్స్ ప్రెస్ న్యూస్:
కల్కి 2898 ఏడీ మూవీతో బ్లాక్ బస్టర్ సక్సెస్ కొట్టాడు. ఇప్పటికే రూ. 1100 కోట్ల వసూళ్లను సాధించి.. రికార్డు నెలకొల్పాడు. అయితే గత కొంత కాలంగా ప్రభాస్ లుక్ లో ఎలాంటి ఛేంజ్ లేదు. కత్తులు, తుపాకులు, బాంబులతోనే ఎక్కువగా ఫ్యాన్స్ కు కనిపించాడు. కానీ మారుతి డైరెక్షన్ లో తెరకెక్కుతున్న ‘ది రాజా సాబ్’ మూవీ కోసం తన లుక్ ను పూర్తిగా మార్చివేశాడు. ఎంతగా అంటే మళ్ళీ మళ్ళీ మరిన్ని ప్రాజెక్టులు మారుతి తో చేసే అంతగా.వింటేజ్ ఈ మూవీ గ్లింప్స్ లో వింటేజ్ ప్రభాస్ ను గుర్తుకు తెచ్చాడు. దాంతో డార్లింగ్ లో వాటే ఛేంజ్.. ఇది అస్సలు ఊహించలేదు అంటూ ఫ్యాన్స్ సంతోషం వ్యక్తం చేస్తున్నారు. సలార్ మూవీలో ఎలా ఉండేవాడు ఇప్పుడు ఎలా మారిపోయాడు ఈ మార్పును గమనించారా? అంటూ నెటిజన్స్ కామెంట్స్ చేస్తున్నారు.
గత కొంత కాలంగా ప్రభాస్ నవ్వులు పూయించిన సినిమా లేనే  లేదు. కల్కిలో అక్కడక్కడ నవ్వించాడు డార్లింగ్. కానీ రాజా సాబ్ గ్లింప్స్ చూసిన తర్వాత మారుతి ప్రభాస్ లో ఉన్న కామెడీ టచ్ ను పూర్తిగా వాడుకుని నవ్వించబోతున్నాడని గ్లింప్స్ ద్వారానే అర్ధమవుతోంది. ఈ చిత్రం రొమాంటిక్ హార్రర్ కామెడీ గా తెరకెక్కబోతోందని మేకర్స్ ప్రకటించారు. ప్రభాస్ లాంటి కటౌట్ ను మారుతి హ్యాండిల్ చేయగలడా? అన్న అనుమానం అందరిలో నెలకొంది. కానీ ఈ గ్లింప్స్ వాటిని పటాపంచలు చేసింది. ప్రభాస్ స్టైల్, లుక్.. చేతిలో బొకే.. అద్దం ముందు నిల్చొని దిష్టి తీసుకోవడం ఇలా అన్నీ వింటేజ్ డార్లింగ్‌ను గుర్తుచేశాయి. డార్లింగ్ లో ఇంత ఛేంజా? అంటూ అభిమానులు ఫిదా అవుతున్నారు.