10 లక్షల ఇంటి భోజనాలని సరఫరా చేసిన షీరో హోమ్ ఫుడ్
- మహిళల స్వయం ఉపాధికి తోడ్పడుతున్న షీరో
టాలెంట్ ఎక్స్ ప్రెస్ న్యూస్:
హీరో లాగా షీరో తన కాళ్లపై తాను నిలబడి తనకు తెలిసిన వంట నైపుణ్యానికి సంస్థ అందించే మెళకువలను జోడించి ఇంటి భోజనాన్ని తయారు చేస్తూ ఆన్ లైన్ ద్వారా ఆర్డర్స్ పొందుతూ ప్రతినెలా మహిళలు తమ ఇంటినుండే స్థిరమైన ఆదాయాన్ని పొందేలా విశిష్ట అవకాశాన్ని కల్పిస్తున్న సంస్థ షీరో హోమ్ ఫుడ్. ఒక్క కిచెన్ తో ప్రారంభమైన షీరో నేడు దక్షిణ భారత దేశంలో 2000 లు పైబడి కిచెన్స్ తో ఓ అతిపెద్ద మహిళా సాధికారికతా సంస్థగా ఆవిర్భవించింది. నాలుగో సంవత్సరంలో అడుగిడిన ఈ సంస్థ విజయోత్సవంలో మరో మైలురాయిని చేరుకుంది.ఇప్పటికి 10 లక్షల మందికి రుచికరమైన సుచికరమైన శాఖాహార భోజన పదార్థాలని డెలివరీ చేసి సరికొత్త అధ్యాయానికి శ్రీకారం చుట్టింది. తిలక్ వెంకటస్వామి , జయశ్రీ తిలక్ లు ప్రారంభించిన ఈ సంస్థ తెలుగు రాష్ట్రాల మాస్టర్ ఫ్రాంచైజ్ తీసుకున్న సువర్ణా దేవి పాకలపాటి మాట్లాడుతూ : వ్యాపారం చేయడం వేరు, పది మందికి ఉపయోగపడే వ్యాపారం చేయడం వేరు, అందులోను మహిళగా సాటి మహిళలకి చేదోడు వాదోడుగా వుండే వ్యాపారం మరింత సంతృప్తిని ఇస్తోంది ఆ అనుభూతే షీరో హోమ్ ఫుడ్ తో కలుగుతోంది , ఇప్పుడు ఈ సంస్థ ఇటుడింతై పటుడింతై అన్నట్లుగా ఎదిగి గృహిణులు తయారు చేసిన వంటకాలు 10 లక్షల మందికి చేరువకావడం , అలాంటి సంస్థలో తాను సైతం భాగస్వామ్యంగా ఉండటం గొప్ప అనుభూతి అనేకంటే ఓ పెద్ద జీవిత సాఫల్యం అని అన్నారు. సంస్థలో చేరి చక్కని స్వయం ఉపాధి పొందగోరు మహిళలకు వంటలపైనే కాకుండా టెక్నాలజీ లో సైతం శిక్షణను ఇస్తున్నామని ఆసక్తి కలవారు ఉచిత సెమినార్ లో హాజరు అయ్యేందుకు 6309527444 నెంబర్ కి తమ పేరు ఏరియా సిటీ ని వాట్సాప్ చేసి రిజిస్టర్ చేసుకోవాలని సువర్ణాదేవి పాకలపాటి తెలియజేసారు.